Lýsing í glerhjúp Hörpu tendruð á Menningarnótt
Mikið verður um að vera á Menningarnótt við tónlistar- og ráðstefnuhúsið Hörpu við Austurhöfnina og ná hátíðarhöldin hámarki þegar ljós verða tendruð í glerhjúp Hörpu í beinni sjónvarpsútsendingu rétt fyrir flugeldasýningu hátíðarhaldanna. Athöfnin er jafnframt þriðji og síðasti atburðurinn í opnunarferli hússins sem hófst með tónleikum Sinfóníuhljómsveitar Íslands í byrjun maí og opnu húsi í framhaldinu fyrir gesti og almenning.
Dagskráin í og við Hörpu á Menningarnótt hefst klukkan13 laugardaginn 20. ágúst og stendur fram undir klukkan 23 um kvöldið þegar ljósin í glerhjúp Hörpunnar verða kveikt. Sérstakir vígslutónleikar verða við glerhjúpinn kl. 13:15 þar sem frumflutt verða tvö verk fyrir hörpur eftir Mist Þorkelsdóttur og Atla Heimi Sveinsson og fanfare fyrir blásara og slagverk eftir Önnu Þorvaldsdóttur. Af öðrum dagskrárliðum má nefna kínverska loftfimleikamenn sem munu leika listir sínar fyrir utan Hörpu, tónleika Sinfóníuhljómsveitar Íslands í Eldborg, sýningu færeysku listakonunnar Elinborgar Lutzen og opnun Jazzhátíðar Reykjavíkur í Norðurljósum kl 20. Lóðsbáturinn Magni mun mynda „sjávargosbrunn" fyrir norðan Hörpu og sjóstrætó siglir á hálftíma fresti um höfnina frá klukkan sjö til miðnættis. Fjölmargir aðrir viðburðir á vegum Menningarnætur verða í húsinu en hátíðin verður sett formlega klukkan 13 af Jóni Gnarr borgarstjóra fyrir framan Hörpu.
Dagskrá við Hörpu á Menningarnótt:
13.00: Borgarstjóri setur Menningarnótt á útisviði fyrir framan Hörpu
13.05: Tónlistaratriði á útisviði - Reykjavík Jungle Unit
13.15: Vígslutónleikar við stóra vegginn
Mist Þorkelsdóttir: Ljósbrot fyrir 7 hörpur (frumflutningur)
Anna S. Þorvaldsdóttir: Skuggar, fanfare (frumflutningur)
Atli Heimir Sveinsson: Minning um Thor fyrir 9 hörpur (frumflutningur)
Drengjakór Reykjavíkur
13.15: Atriði á útisvæði (Trúðurinn Barbara, Maximús, Kramhúsið)
14.00: Tónleikar Sinfóníuhljómsveitar Íslands í Eldborg
Hljómsveitarstjóri: Bernharður Wilkinsson
Efnisskrá: Maximús Músíkús
14.10: Stórsveit Seltjarnarness á útisvæði fyrir framan Hörpu
14.30: Kínverskir loftfimleikamenn
14.30: Listaverkaleiðsögn
15.00: Opnun myndlistarsýningar með verkum Elinborgar Lutzen í Flóa
15.00: Músarhola Maxa vígð í Tólf Tónum
15.00: Kínverskir loftfimleikamenn
15.20: Heiðurssprautun Magna í höfninni norðan við Hörpu
15.30 – 17.30: Söngveisla Söngskólans í Reykjavík í Silfurbergi
15.30: Listaverkaleiðsögn
15.30 – 16.20: Tómas R. Einarsson & co í Flóa
16.00: Ingveldur Ýr & Spectrum í Kaldalóni
16.30: Kínverskir loftfimleikamenn
16.30: Listaverkaleiðsögn
17.00 Kínverskir loftfimleikamenn
17.00: Tónleikar Sinfóníuhljómsveitar Íslands í Eldborg
Hljómsveitarstjóri: Bernharður Wilkinsson Einleikari: Stefán Ragnar Höskuldsson
Efnisskrá:
Glinka:
Ruslan & Ludmila, forleikur
Mozart:
Flautukonsert í D-dúr
Prokofiev:
Montag & Kapulet
Tchaikovsky:
Vals úr Þyrnirós
17.45-18.30: Varsjárbandalagið leikur í Flóa
18.00: Teitur frá Færeyjum leikur í Norðurljósum
19.00: Tríóið Kremkex í Flóa
20.00: Opnunartónleikar Jazzhátíðar Reykjavíkur í Norðurljósum
Jazzhátíð verður sett með stórtónleikum fjögurra hljómsveita sem verða fulltrúar Íslands á London Jazz Festival 12.
nóvember nk. Þetta verkefni er afrakstur vinnu Jazzhátíðar og Útóns til útbreiðsluu íslenska jazzins og stærsta
einstaka verkefnið hingað til til að kynna íslenskan jazz fyrir nágrönnum okkkar handan hafsins.
Hljómsveit Sunnu Gunnlaugsdóttur píanóleikara
Ómar Guðjónsson gítarleikari með kvartetti sínum
Frelsissveit Nýja Íslands - Haukur Gröndal er formaður í þessum músíkalska áttæringi íslenskrar tónlistar
Samúel Jón Samúelsson Big Band dansar áfram á hárfínni línu fönks og afróbíts
20.00: Elísabet Waage og Björg Þórhallsdóttir í Flóa
22.40-50: Glerveggurinn tendraður og tónlistaratriði - sjónvarpað beint
23.00: Flugeldasýning
Annað:
Sjóstrætó í samráði við Menningarnótt og hafnaryfirvöld. 19-24 á hálftíma fresti
Stutt dansatriði frá Kramhúsinu á stétt utan við húsið
Maximús á vappi um húsið og vígð músarhola í 12 Tónum
Kadilljákar til sýnis við austurhlið Hörpu
Dagskráin er birt með fyrirvara um breytingar